Støtt Spleis til grillhytte ved Oppstryn skule og barnehage
Oppstryn Oppvekstforening inviterer bygdefolk, lokale heltar og næringsliv til å bli med på ein Spleis for å realisere ein grillhytte ved Oppstryn skule og barnehage.
- Skulen er hjarte i bygda vår, ein viktig samlingsplass for fastbuande og besøkande. Her finn vi den einaste leikeplassen i bygda, ballbinge og idrettsarena. Ei grillhytte vil skape ein ekstra stad for skulen, SFO og barnehagen, med moglegheit for undervisning, matlaging og leik heile året. Spesielt om vinteren vil grillhytta vere ein god plass å varme seg, ete lunsj og gjennomføre aktivitetar i trygge omgjevnader, seier Oppstryn Oppvekstforening.
For å realisere prosjektet har dei sett seg eit mål om å samle inn 50 000 kroner gjennom Spleis. Alle innsamla midlar vil gå direkte til bygging av grillhytta, inkludert grunnarbeid, oppføring og eventuelt elektrisk opplegg.
- Vi håpar du eller di bedrift vil vere med på laget og bidra til å skape eit enda betre oppvekstmiljø for barna våre!
Korleis du kan bidra:
Kontonummer: 3795.20.01613
Pante-kasse ved Joker Hjelledalen.
