Oppstryn Idrettslag
Oppstryn Idrettslag vart stifta 24. november 1911, og har stor aktivitet med barneidrett, idrettshus, friidrett, ski, symjing, fjelltrim og mykje meir.
Medlemskap
Prisane for medlemskap i Oppstryn IL er 100,- for barn og 200,- for vaksen og 150,- for senior frå 67 år. Då er dei aller fleste aktivitetane gratis. Ynskjer du å bli medlem kan du betale via Vipps: 129776 (huga namn), eller betal inn til bankkonto: 3795.30.17343 (hugs namn). Som medlem får du rabatt på treningskle på Ytre-Eide Sport, Sport 1 Stryn.
Kontakt
Leiar: Lasse Hjelle. Kontakt: las.hjelle@gmail.com eller emma@hjelle.com
-
Idrettshuset
Velutrusta treningslokale med mange ulike apparat, samt bordtennisbord og møtelokale. Det er også fleire gruppetimar ein kan delta på.
-
Fjelltrim
Gjennom sommarhalvåret kan du sanke poeng på utvalde turmål i Oppstryn. Eit ypperleg folkehelsetiltak med lav terskel og store mengder frisk luft.
-
Barneidrett
Barneidrettsgruppa arrangerer innetrening i gymsalen på Hjelle vinterhalvåret, og ute på Lund stadion i sommarhalvåret (utanom sommarferien).
-
Symjing
Etter haustferien og fram til påske har Oppstryn ein fast dag i Stryn symjehall. 2024/2025 sesongen er dette måndag kl 19-20. Symjehallen har stupetårn, rutsjebane, barnebasseng og sauna. Første symjinga hausten 2024 blir 21. oktober.
-
Ski
Når vêret tillet det blir det køyrt langrennsløype i Hjelledalen. Dette blir annonsert på Facebook. Følg “Skiløyper Hjelledalen”.
-
Fotball
Oppstryn har hatt fotballag i mange år, og var ei stund i 4. divisjon. Siste åra har aktiviteten blitt redusert og for tida er det ikkje eit aktivt fotballlag i bygda. Nokre entusiastar samlast likevel torsdagane for uformell fotballtrening. Treningar blir publisert for påmelding i Spond.
-
Terrengsykling
Napen har blitt eit ynda turmål for terrengsyklistar, og stien blir stadig forbetra av lokale eldsjeler. Det fins også andre stiar å sykle på.
-
Styret
Her finn du informasjon om styrearbeidet i Oppstryn Idrettslag.