Historiske Oppstryn

Det er gjort mange forhistoriske funn i Oppstryn, som vitnar om eit aktivt og attraktivt dalføre.

Vi har samla noko av dei mest kjende funna, og meir vil bli fylt på etterkvart.

Vikinggravene på Fure

På gården Fure i Stryn vart det i 1991 gjort eit stort gravfunn frå vikingtid i ein fram til då ukjend gravhaug. I løpet av eit par veker vart det avdekka våpen, smykker og reiskapar som har ligge skjult i jorda i over tusen år. Gjenstandane skal vise seg å stamme frå tre forskjellige graver. Les meir.

Spor frå Jernalderen i Glomsdalen

Det skal ha vore ei eiga fjellgrend her oppe i dalen med gardane Selstad, Nås, Flåten og Tømra, i tillegg til Sigdestad. Lengst inne i Glomsdalen, på setra Stol, har ein funne kolgroper som fortel om liv heilt tilbake til Jernalderen. Etter Svartdauden (ca 1350) var det berre på Sigdestad at drifta vart teken opp att. Dette skjedde først på 1500-talet. Les meir.

Historisk funn av fangstanlegg i Oppstryn

For tusen år sidan, kanskje tidlegare, jakta oppstryningane rein med pil og boge under Tafsehyrna i Fosdalen. Det viser eit historisk funn av eit jakt- og fangstanlegg i området. Les meir

Fjordhesten sin stamfar frå Oppstryn

I avlshistoria er det nokre dyr som har dominert meir enn andre. Den som har hatt størst innverknad, fjordhesten sin far, er Njål 166. Eit dyr som har betydd mykje i avlen vert kalla for ein matador. Njål blei fødd i 1891. I ei tid med mykje innblanding av andre rasar i fjordhesten blei Njål redninga for å avle fram ein hingst med ekte fjordhestpreg. I dag finst det knapt ein fjordhest i verda som ikkje kan føre ættelinene sine tilbake til Njål. Les meir

Tingstaden på Hjelle

2002 vart eit ringforma tunanlegg frå Vikingtida undersøkt på Hjelle.. Her fann ein kokegropfelt og spor etter tre stolpebygde bygningar som ligg radiært i forhold til kvarandre. Eit funn av ein angelsaxisk mynt frå tidleg 800 tal bekreftar dateringa til tidleg vikingtid. Anlegget er tolka til å ha ein kollektiv funksjon. Ringforma tunalegg som dette er svært sjeldne. Slike tunanlegg er eit utprega norsk fenomen i jernalder, og det er idag kjent 26 slike anlegg langs heile norskekysten. Myntfunnet indikerer at brukarane av anlegget var knytta til eit nettverk med kontakt over Nordsjøen, og det Northumbriske riket på dei Britiske øyar. Les meir.